Wednesday, December 5, 2012

उफः यति सजिलो छैन बिर्सन तिमीलाई

उफः यति सजिलो छैन बिर्सन तिमीलाई

इन्द्रवतीसँगसगै छङछङ बग्दै थिए
डिलबाट छप्लाङ छप्लाङ ढुङ्गाहरु फाल्दै थिए
तिमीलाई स्मृतिबाट हटाउन
दुनियाँसँग भाग्दै एकान्तको खोजीमा
यति परसम्म आएका थिए
लागेको थियो
यति टाढासम्म तिमी आउन सक्दिनौं
यस्तो अनकन्टार, भीर, पाखा, बगरमा
तिमी भेटिने छैनौं
तर झसङ्ग भए जब देखे तिमीलाई
कसरी तिमी यहाँसम्म आयौ
हिजो भागेर टाढा गएकी थियौ
घुर्काएर कहिल्यै आउन्न भन्दै थियौ
फेरि किन यति नजिक
इन्द्रावतीसँग सुसाएर
किनारमा माछा मार्दैछौं
बगरमा बालुवाको घर बनाउदैछौ
मलाई गिज्याएर

तिम्रो साथले म मात्तिन थालेको थिए
तिम्रो मुस्कानले म पागल हुदै थिए
तिम्रो आँखामा म बन्दी हुदै थिए
कसरी तिमी पराई हुन मन्जुर गर्यौ
कसरी तिमी समयसँगै बगि दियौ
भुल्न खोज्दै थिए
तिमीलाई मन मस्तिष्कबाट
तिमी बिना नै आफ्नो यात्राको
खाका तयार पार्दै थिए
फेरि किन
मेरो स्मृतिमा
फेरि किन
नदि किनारमा
उफ ः यति सजिलो छैन
बिर्सन तिमीलाई

Tuesday, September 4, 2012

आमा


आमा

एक्लै मुस्कुराउछौ
एक्लै कुरा गर्छौ
को संग मुस्कुराउछौ
कसरी कुरा गर्छौ ?
तिमी क्षण क्षण मुस्कुराउदा 
यस्तो लाग्छ 
तिमी दा भिन्चिको 
अगाडि बसेकी मोनलिसा हौ
र तिम्रो त्यो मुस्कान 
करौडौ मन जित्ने
त्यो मनमोहक  मुस्कान हो


किन झस्कन्छौ तिमी ?
अनयाश म आइदिदा
के मैले तम्रो एकान्तलाई
बाधा पारे?
माफ गर यदि त्यसो हो भने
मैले त तिम्रो मुहारमा 
फक्रिएको फुल देखे 
जो सुटुक्क पबनसंग बात मार्दैै थियो
मगमग बासना छर्दै थियो  
त्यही सुगन्धलाई पछछाउदै
तिमी सम्म आइपुगे

तिमीलाई देख्दा 
किन यस्तो लाग्छ कि 
तिमी हजारौ बर्षदेखि 
तपस्या गर्दै थियौ र आज तिमीलाई
आत्मबोध भएको छ 
तिमीमा पुर्णता आएको छ 
र तिमीले ्िशघ्र नै आ्फनो 
कठिन तपस्याको मिठो फल पाउदै छौ
तिमी भित्र एउटा सृजनसिल कलाकार भए जस्तो लाग्छ 
जो भित्र भित्रै पिकासोले झै अमुल्य कलाकारिताको सृजना गर्दैछ
तिमी त्यो सृजनाको रापले 
धपक्कै बलेकी छौ र आफैमा बुढो सिमल झै 
गजक्कै फुलेकी छौ  
तिमी  तान्त्रिक हौ या आत्मा हौ
या मिठो धुन झिक्ने
बासुरी हौ ?
नत्र को संग कुरा कुरा गर्छौ दिन रात 
कस्को हाल खबर सोध्छौ पल पल 
र सन्तुष्ट हुन्छौ 
आफ्नै प्रश्न संग ?

मलाई किन डाहा लाग्छ तिम्रो पूर्णता देखेर 
म किन तिम्रो सहयात्री हुन सकिन 
म किन तिम्रो कुरा गर्ने साथी हुन सकिन 
तिम्रो मुस्कानको कारण हुन सकिन 
मलाई अझ डाहा लाग्छ 
म तिमी झै किन 
 पूर्ण हुन सकिन ?
तिम्रो झै सृजना गर्ने 
कोख हुन सकिन
तिमीलृे झै 
समाधि लिने 
ठाउ हुुुन सकिन 
म साचो कलाकार हुन सकिन 
आत्मा संग कुरा गर्ने तान्त्रिक हुन सकिन
समुन्द्रको गहिराइ थाह पाउने 
मोति हुन सकिन 
म तिमी झै जननी हुन सकिन 
म तिमी झै धर्ति हुन सकिन
म तिमी झै आमा हुन सकिन
म तिमी झै हराभरा कोख हुन सकिन
मलाई माफ गर 
म तिमी झै सम्पूर्ण हुन सकिन
म तिमी झै परिपूर्ण हुन सकिन



Sunday, July 15, 2012

मेरा केही िप्रश्न
रेाड बनाए पछि िपारकिङ बनाउन परछ कि िपरदैन ?
ठूला मल्टिपेल्कस बनाए  पछि
गाडि राख्नू परछ कि िपरदैन ?

Tuesday, June 26, 2012

जुन आँखामा सजाए


जुन आँखामा सजाए तेही आँखाबाट कती सजिलै झर्दो रहेछ मान्छे
सोचेको थिइन कहिल्यै यति तलसम्म पनि गिर्न सक्दो रहेछ मान्छे
सिरभन्दा माथि राखेपनी आफ्नो उचाइ आफै घटाउदो रहेछ मान्छे
बुझने भएर पनि आफ्नो  स्वार्थ पुरा नहुँदा  बहुलाउदो रहेछ मान्छे

भूतलाइ पन्छाउछु भन्छ तर देाबाटेा ढुकी तरसाउदेा रहेछ मान्छे
निकेा पारछु भन्छ तर अ।फै रेाग सारदेा रहेछ मान्छे
सम्झाउने बाहनाले पीर पारनु सम्म  पार्देा रहेछ मान्छे
मित्रताको खोल अे।ढि  पछाडि गोटि चाल्दो रहेछ मान्छे

बाहिर एउटा कूरा गर्छ  भित्र अर्कै जालो बून्दो रहेछ मान्छे
मनपेट खोलि दिदा बिश्वासलाइ कमजोरि ठान्दो रहेछ मान्छे
सजिलोमा साथ दिन्छ अप्ठयारोमा लगेर छोडदो रहेछ मान्छे
ढिलो बुझे तर बुझे संसारकै ढोंगी पाखन्डी रहेछ मान्छे

Friday, June 8, 2012

भो मनमा नलेउ यी कुरा हुन्नन सबै सोचेका पुरा





ef] dgdf gn]p oL s'/f
x'Ggg ;a} ;f]r]sf k'/f
ld7f] s'/fdf e'Ng' eGbf
:jfyL{sf hfndf km:g'eGbf
 Pskm]/ d'6' hn]s} hflt
Pskm]/ p;nfO{ e'n]s} hflt


ed|df ;w} kg'{ eGbf
axlsP/ p8g' eGbf
Pskm]/ gftf 6f]8]s}} hflt
Pskm]/ 6f9f efu]s} hflt
ef] dgdf gn]p oL s'/f
x'Ggg ;a} ;f]r]sf k'/f

lhage/ k5'tfpg' eGbf
e'm6f] ;kgf ;hfpg' eGbf
Pskm]/ dfG5] lrg]s}  hflt
Pskm]/ dfof df/]s} hflt
ef] dgdf gn]p oL s'/f
x'Ggg ;a} ;f]r]sf k'/f

Saturday, May 5, 2012


शितल तिम्रो छहारीमा
मनको बह बिसाउदा
तिम्रो न्यानो काखमा बसी
ढुक्क संग निदाउदा

Wednesday, April 25, 2012

आम मानिस


म आम मानिस हु
म सग गोली गंठा छैन
हातहतियार केहि छैन
तिमी निस्फिकृ संग
मेरो अगाडि आउन सक्छौ
गोला बारुद पडकाउन सक्छौ

Tuesday, April 24, 2012

उसको तस्बिर



आखामा
मनमा
हृदयमा
सुसुप्तीमा
बाहिरदेखि
भित्र अन्तर आत्मासम्म
एक छत्र बास
गरिरहेको उसको तस्बिर

Monday, April 23, 2012

यो पन्ना


यो पन्ना खाली छ
मैले लेखेपनि खालीपन
बाकी नै रहने छ
यसलाई पुरापुर भर्ने
कोही जन्मेको छैन
जन्मिए पनि
यसलाई भर्न खोज्दा खोज्दै
उ आफै रित्तएर जानेछ

Useful twitter apps, tools & sites !

Saturday, April 21, 2012

हाम्रो माया


कहिले छुट्ने कहिले जुट्ने
हाम्रो माया केही पलको आवेग होइन

जुनी जुनीसम्म रहिरहन्छ
हाम्रो माया केही क्षणको सम्झौता होइन

रुपको आकर्षणभन्दा पर
हाम्रो माया दुइ दिनको रमझम होइन


कहिले छुट्ने कहिले जुट्ने
हाम्रो माया केही पलको आवेग होइन

हाम्रा सांसद


हाम्रा सांसद
गाउँघरका गजडीजस्ता छन्
जो गफ गरिरहन्छन्
चुरोट सल्काइरहन्छन्

हाम्रा सांसद
म्याद थपिरहन्छन्
टेबुल ठोकीरहन्छन्
बरु गजडीको गफ पुरा होला
तर कठै हाम्रा संविधान
गजडीको गफ जस्तो पनि नहुनेभो

हाम्रा सांसद
गाउँघरका थारो गाइजस्ता छन्
जो दिनभर खाइरहन्छन्
रातभर उग्राइरहन्छन्

हाम्रा सांसद
तलब खाइरहन्छन्
भत्ता पचाइरहन्छन्
बरु थारो गाइले दुध देला
तर कठै हाम्रो देशले
एउटा संविधान पनि नपाउने भयो

स्वतन्त्रताको लागि

खुँडा तरवार बोक्नेछु
राइफल बन्दुक बोक्नेछु
रुनु परे रुनेछु
दुःख बरु खप्नेछु
स्वतन्त्रताको लागि म
सबै मूल्य तिर्नेछु

विष्फोटका आवाजले
वहिरो मलाई बनाए नी
बन्दुकका संगीनले
छाती चाल्नु पारे पनि
एक मुठी श्वास मेरो
फोक्सो भित्र रहेसम्म
एक त्राण प्राण मेरो
ह््दयमा रहेसम्म
जित हाम्रो पक्का छ नी

सम्वन्ध


कैले नजिक आउछौं
कैले ढाटा भाग्छौं
तिम्रो मेरा सम्वन्धलाई
कति जोखि राख्छौं
कति जोखि राख्छौं

माया लाउछु भन्छौं
तर्की तर्की हिड्छौं
मलाई घायल बनाएर
कति हासी राख्छौं

कति हासी राख्छौं


विश्वास पनि गछौं
शंका पनि गछौं
मेरो काखमा निदाएर
किन गाली गछौं
किन गाली गछौं

आजकाल सपनीमा


धुवाँ उडिरहेको देख्छु
दाउरा थपिरहेको देख्छु
धुवाँमा मान्छेहरु निस्सासिएको देख्छु
आगोमा मान्छेहरु जलिरहेको देख्छु
आजकाल सपनीमा देश जलिरहेको देख्छु
आजकाल सपनीमा देश बलिरहेको देख्छु
पुल भत्किएको देख्छु
बाँध फुटेको देख्छु
बाटो छलिएको देख्छु
बाटो बिराएको देख्छु
आजकाल सपनीमा देश भासिएको देख्छु
आजकाल सपनीमा देश मासिएको देख्छु

वाढी आएको देख्छु
पहिरो गएको देख्छु
रुख ढलेको देख्छु
चोईटा छरिएको देख्छु
आजकाल सपनीमा कुलक्षण नै कुलक्षण देख्छु
आजकाल सपनीमा अपसकुन नै अपसकुन देख्छु



गाडी जलेको देख्छु
गोली चलेको देख्छु
बम पड्केको देख्छु
मान्छे मरेको देख्छु
आजकाल सपनीमा सबै छटपटाएको देख्छु
आजकाल सपनीमा सबै निस्सासिएको देख्छु



टुक्रा टुक्रा छरिएको देख्छु
मालाहरु चुडिएको देख्छु
टुक्रामा मान्छेहरुले अस्तित्व खोजिरहेको देख्छु
मालामा मान्छेहरुले पहिचान खोजिरहेको देख्छु
आजकाल सपनीमा नक्सा च्यातिरहेको देख्छु
आजकाल सपनीमा भूगोल बाडिँरहेको देख्छु


पानी झै संग्लो देख्छु
ऐना झै प्रष्ट देख्छु
विपना झै यथार्थ देख्छु
दिन झै छर्लग देख्छु
आजकाल सपनीमा
सबै कुरा आफ्नै गाउ घरमा भएको देख्छु
आफ्नै आँखा अगाडि भएको देख्छु
आफ्नै वरीपरी भएको देख्छु
आफ्नै देशमा भएको देख्छु
आफ्नै देशमा भएको देख्छु